တစ်ချိန်က ပျိုတိုင်းကြိုက်တဲ့ နှင်းဆီခိုင်ဖြစ်ခဲ့တဲ့ ချစ်အစ်ကိုလူပျိုကြီး ကျော်ရှိန်းအတွက် မွေးနေ့ဆုတောင်းစကားလေးပြောလာတဲ့ ပပဝင်းခင်

အနုပညာလောကရဲ့ ထူးထူးခြားခြား မောင်နှမနှစ်ယောက်ဖြစ်တဲ့ ပပဝင်းခင်နဲ့ ကျော်ရှိန်းတို့ကတော့ ဗီဒီယိုဇာတ်ကားတွေနဲ့ ရုပ်ရှင်ဇာတ်ကားကြီးတွေမှာ ပါဝင်သရုပ်ဆောင်ရင်း ပရိသတ်တွေရဲ့ အားပေးမှုကို ရရှိခဲ့ကြတာပဲ ဖြစ်ပါတယ်။ ပပဝင်းခင်နဲ့ ကျော်ရှိန်းတို့ မောင်နှမနှစ်ယောက်စလုံးက အသက်အရွယ်တွေကိုယ်စီရရှိလာချိန်မှာတော့ အနုပညာအလုပ်တွေကို အရင်ကလောက်မလုပ်ကိုင်တော့ပဲ လူပျိုကြီး၊ အပျိုကြီးတွေအဖြစ်ပဲ အပူအပင်ကင်းကင်းနေထိုင်နေကြတာပဲ ဖြစ်ပါတယ်။ ဒီကနေ့ ဇန်နဝါရီလ (၃၁) ရက်နေ့ကတော့ ကျော်ရှိန်းရဲ့ မွေးနေ့လေးပဲဖြစ်ပြီး ပပဝင်းခင်ကလည်း သူမရဲ့ အစ်ကို ကျော်ရှိန်းအတွက် အခုလိုပဲ မွေးနေ့ဆုတောင်းပေးလာခဲ့ပါတယ်။

“Happy Birthday Ko Gyi ! Happy Birthday returns of the day.Best wishes for many more ! 🎉🎊ချစ်ကိုကြီး၏မွေးနေ့မှစ ချစ်သောမိသားစုနှင့်အတူ အသက်ရာကျော် ကျန်းမာခြင်း ချမ်းသာခြင်း ပျော်ရွင်ခြင်း အောင်မြင်ခြင်း ပြည်စုံခြင်း ဘေးရန်အပေါင်းကင်းဝေးပြီး လိုတိုင်းရ တတိုင်းပြည့်စုံသော ဘဝကိုရရှိပိုင်ဆိုင်ရပါစေ… သာသနာအကျိုးကို ဆထက်တိုးပြီးဆောင်ရွက်နိုင်ပါစေလို့ ချစ်သောမိသားစုမှ ဆုတောင်းပေးပါတယ်😘🎂🌸🌺🎊🎁🎉🎈🥰 လူပျိုကြီး ကိုကြီးကျော်ရှိန်း အသဲကျော်တွေအတွက် ပုံတွေ အများကြီးတင်ပေးလိုက်တယ်နော် 😍😍😍”ဆိုပြီး ကျော်ရှိန်းကို လွမ်းနေကြတဲ့ ပရိသတ်တွေအတွက်လည်း ဓာတ်ပုံလေးတွေ မျှဝေပေးလာပါတယ်။

ကျော်ရှိန်းနဲ့ ပပဝင်းခင်တို့ကတော့ အနုပညာအလုပ်တွေကို မလုပ်ကိုင်ဖြစ်တော့ပေမယ့် ပရိသတ်တွေ ဒီနေ့ဒီအချိန်ထိ အားပေးနေရဆဲ အနုပညာမောင်နှမနှစ်ယောက် ဖြစ်ပါတယ်။ ပရိသတ်ကြီးလည်း ကျော်ရှိန်းအတွက် မွေးနေ့ဆုတောင်းစကားလေးတွေ ပြောခဲ့ကြပါဦးနော်။ ဖတ်ရှုပေးကြတဲ့ ပရိသတ်ကြီးအားလုံး သာယာပျော်ရွှင်တဲ့ နေ့လေးတစ်နေ့ကို ပိုင်ဆိုင်နိုင်ကြပါစေလို့ ဆုတောင်းပေးလိုက်ပါတယ်နော်။

ဆယ်လီကွန်နက်ရှင်
Swelsone News